Ўзбекистон, Тошкент - Batafsil.uz. АҚШ Президенти Дональд Трамп 7 сентябрь куни ижтимоий тармоқдаги саҳифасида Нью-Мексико штати номини "Янги Америка" деб ўзгартириш ташаббусини илгари сурди. Ушбу таклиф мамлакатнинг Мексика билан савдо музокаралари кескинлашаётган бир пайтда жамоатчилик эътиборига ҳавола этилди.
Президент томонидан эълон қилинган штат харитасининг янгиланган вариантлари ва бу ном "анча нуфузли ҳамда чиройли" бўлиши ҳақидаги фикри турли муҳокамаларга сабаб бўлган. Нью-Мексико штати губернатори, Демократик партия вакили Мишель Лухан Гришэм бу ғояга кескин муносабат билдириб, штат номи муҳокама қилинмаслигини маълум қилган. Губернаторнинг таъкидлашича, бу ном АҚШ ташкил топишидан ҳам аввал мавжуд бўлган ва уни ўзгартиришга ҳеч қандай асос йўқ.
Маълумот учун, Трамп аввалроқ Канада билан келишмовчиликлар фонида Онтарио кўлини "Америка кўли" деб аташни ҳам таклиф қилган эди. Бироқ АҚШ қонунчилигига кўра, федерал ҳукумат штатлар номини ўзгартириш ваколатига эга эмас.
Аввалроқ АҚШда Трамп сурати туширилган 1 долларлик танга муомалага чиқарилганди.
Изоҳлар мавжуд емас