Ўзбекистон, Тошкент - Batafsil.uz. 2026 йилнинг биринчи чораги якунларига кўра, Ўзбекистоннинг давлат қарзи 46,9 миллиард долларни ташкил этди. Қарздорликнинг катта қисми — 39,7 миллиард доллари ташқи қарзлар ҳиссасига тўғри келади.
Иқтисодиёт ва молия вазирлиги маълумотларига кўра, республиканинг асосий кредитори сифатида Жаҳон банки етакчилик қилмоқда. Жорий йилнинг январь-март ойлари давомида фақат ушбу банк олдидаги ҳукумат мажбуриятлари 100 миллион доллардан ортиққа ошган.
Бундан ташқари, мамлакатнинг ички қарздорлиги 7,2 миллиард долларни ташкил этган.
Давлат қарзининг ушбу кўрсаткичи мамлакат макроиқтисодий барқарорлигини таъминлаш, бюджет тақчиллигини бошқариш ва йирик инвестицион лойиҳаларни молиялаштиришдаги мажбуриятларни акс эттиради.
Биргина февраль ойида Ўзбекистоннинг давлат қарзи йил давомида 6 миллиард доллардан кўпроққа кўпайганди. Шу билан бирга, унинг ЯИМга нисбатан даражаси 31,9 фоиз атрофида сақланиб қолмоқда, бу ҳукумат томонидан ўртача қарз юки сифатида баҳоланмоқда.
Изоҳлар мавжуд емас