Ўзбекистон, Тошкент - Batafsil.uz. Миллий статистика қўмитаси маълумотларига кўра, 2026 йилнинг январь–апрель ойларида Ўзбекистоннинг экспорт ҳажми қарийб 10 миллиард долларни ташкил қилди. Ушбу даврда Ўзбекистон маҳсулотлари энг кўп Россия Федерациясига экспорт қилинган.
Энг кўп экспорт қилинган давлатлар қуйидагича:
1. Россия — 1,5 миллиард доллар
2. Хитой — 919,6 миллион доллар
3. Афғонистон — 643,7 миллион доллар
4. Франция — 498,6 миллион доллар
5. Қозоғистон — 425,5 миллион доллар
6. Туркия — 361,4 миллион доллар
7. Бирлашган Араб Амирликлари — 265,5 миллион доллар
8. Қирғизистон — 254,2 миллион доллар
9. Тожикистон — 213,3 миллион доллар
10. АҚШ — 122,5 миллион доллар
Россия ва Хитой Ўзбекистоннинг энг йирик экспорт бозорлари бўлиб қолмоқда. Шунингдек, Афғонистоннинг учинчи ўринда қайд этилиши мамлакатнинг минтақа давлатлари билан савдо алоқалари юқори даражада сақланаётганини кўрсатади. Франция эса Европа давлатлари орасида Ўзбекистон экспорти учун энг йирик бозорлардан бири бўлиб турибди.
Изоҳлар мавжуд емас