Ўзбекистон, Тошкент - Batafsil.uz. Алишер Исматович Кучиев Ўзбекистон Президентининг иқтисодий сиёсат бўйича маслаҳатчиси ўринбосари лавозимини эгаллади. Тайинлов Президент Администрацияси раҳбарининг фармойиши билан амалга оширилди.
Кучиев 2024 йил октябридан буён Осиё инфратузилмавий инвестициялар банкида (AIIB) инвестиция таҳлилчиси сифатида ишлаб келган.
У 2022–2024 йилларда Uzbekistan Direct Investment Fund инвестиция фондида турли лавозимларда, жумладан, инвестиция таҳлилчиси, инвестиция менежери ва инвестиция директори сифатида фаолият юритган.
Бунга қадар, 2021–2022 йилларда Россиянинг Milestone Capital компаниясида хусусий капитал инвестициялари бўйича таҳлилчи бўлган. 2017–2020 йилларда эса Gazprom International компаниясида бизнесни ривожлантириш йўналишида ишлаган.
Изоҳлар мавжуд емас