Ўзбекистон, Тошкент - Batafsil.uz. Henley & Partners халқаро консалтинг компаниясининг янгиланган паспортлар рейтингида Ўзбекистон 106 та ўрин орасида 82-поғонадан жой олди. Мамлакат ушбу ўринни Буркина-Фасо ва Того билан бўлишган. Рейтингда Ўзбекистон фуқаролари 57 та йўналишга олдиндан виза олмасдан ёки борган жойида виза расмийлаштириш орқали сафар қилиши мумкинлиги кўрсатилган.
2025 йилги натижалар билан таққослаганда, Ўзбекистон ўз ўрнини 3 поғонага йўқотди — ўшанда республика рейтингда 79-поғонада жойлашган.
Ҳозирда Ўзбекистон фуқаролари дунёнинг 57 та мамлакатига олдиндан виза расмийлаштирмасдан ёки боргач, аэропортнинг ўзида (визани келиш вақтида олиш тартибида) ташриф буюришлари мумкин.
Дунё рейтингида биринчи ўринни анъанавий равишда Сингапур сақлаб қолган. Ушбу давлат паспорти эгалари 193 та мамлакатга визасиз саёҳат қилиш ҳуқуқига эга
Рейтингнинг энг охирги ўрнини эса Афғонистон эгаллаб турибди — бу мамлакат фуқаролари учун бор-жоғи 22 та йўналиш визасиз ёки соддалаштирилган тартибда очиқ.
Олдинроқ Миср 1 ноябрдан ўзбекистонликлар учун кириш қоидаларини кучайтирилиши ҳақида хабар берилганди.
Изоҳлар мавжуд емас