Ўзбекистон, Тошкент - Batafsil.uz. Андижон вилоятида кўп миллионли алимент қарздорлиги бўйича иш якунланди. Маҳаллий фуқаро нафақат қарзини тўлади, балки собиқ турмуш ўртоғига ер участкасини ҳам топширди.
Бу ҳақда Мажбурий ижро бюроси Batafsil.uz мухбирига маълум қилди.
Суднинг 2022 йил 10 майдаги ҳал қилув қарорига кўра, эркак алимент тўлаши керак бўлган, бироқ у ўз мажбуриятларини лозим даражада бажармаган. Оқибатда 23 миллион сўмлик қарздорлик юзага келган.
Давлат мажбурий ижро хизмати Балиқчи туман бўлими ходимлари томонидан тушунтириш ишлари олиб борилгач, барча пуллар ундириб берилди. Бундан ташқари, қарздор собиқ турмуш ўртоғига 6 сотих ер участкасини берган.
Ер участкасининг топширилганлиги ва алимент тўланганлиги ундирувчи томонидан тасдиқланиб, ижро иши расман тамомланган.
Изоҳлар мавжуд емас