Ўзбекистон, Тошкент - Batafsil.uz. Қашқадарё вилояти Қарши шаҳрида Жасур Мақаев ва Дилфуза Баҳриддинова оиласида тўрт эгизак қизалоқ дунёга келди. Ҳозирда ушбу оиладаги қизлар сони 9 нафарга етган. Бу ҳақда Соғлиқни сақлаш вазирлиги матбуот хизмати хабар берди.
Эгизаклар Республика ихтисослаштирилган она ва бола саломатлиги илмий-амалий тиббиёт марказининг Қашқадарё филиалида муддатидан олдин кесарча йўл орқали дунёга келтирилган. Ҳар бир чақалоқнинг оғирлиги ва бўйи қуйидагича:
• Биринчи қизалоқ: 1400 гр, 37 см
• Иккинчи қизалоқ: 1450 гр, 38 см
• Учинчи қизалоқ: 1600 гр, 40 см
• Тўртинчи қизалоқ: 1400 гр, 37 см
Ҳозирда чақалоқлар халқаро протоколлар асосида филиалда парваришланмоқда.

Изоҳлар мавжуд емас