Ўзбекистон, Тошкент – Batafsil.uz. Рақобат қўмитаси томонидан 2026 йилнинг биринчи ярмида ўтказилган ўрганишлар натижасида қимор ва таваккалчиликка асосланган ўйинларни тарғиб қилган 50 дан ортиқ веб-сайт блокланди.
Қўмита реклама соҳасида ўтказилган 13,5 мингдан ортиқ текширув давомида қарийб 6 мингта қонунбузилиш ҳолатини аниқлаган. Ноқонуний тарғибот билан шуғулланган 76 та сайт бўйича ваколатли органларга сўров юборилиб, уларнинг аксариятига кириш чекланган.
Шунингдек, ижтимоий тармоқларда тақиқланган рекламаларни тарқатган уч нафар таниқли блогерга ҳамда Melbet брендини тарғиб қилган шахсларга нисбатан маъмурий чоралар кўрилган.
Назорат тадбирлари давомида тотализатор ва букмекерлик хизматлари бўйича 82 та, алкоголь ва тамаки маҳсулотлари бўйича 54 та ҳамда дори-дармон ва биологик фаол қўшимчалар бўйича 51 та ноқонуний реклама ҳолати қайд этилган.
Бундан олдин ҳам Қўмита букмекерлик хизматлари ва қимор ўйинларини тарғиб қилувчи рекламалар қонунга зид эканини эслатиб, бундай материалларга қарши назорат кучайтирилганини маълум қилганди.
Шунингдек, қонунбузарликларнинг олдини олиш мақсадида қўмита томонидан ОАВ, Telegram-канал администраторлари ва реклама тарқатучиларга 10 мингга яқин огоҳлантириш ва сўровлар юборилган.
Изоҳлар мавжуд емас