Ўзбекистон, Тошкент – Batafsil.uz ЯА. Бугунги кундан бошлаб республика болалар боғчаларида коронавируснинг олдини олиш учун карантин жорий этилди. Болаларга қараб туриш учун ота-оналардан бири ишдан озод қилиниши мумкин. Бу ҳақида мухбиримиз хабар бермоқда.
Адлия вазирлиги берган маълумотга кўра, Ўзбекистон қонунчилигига кўра, болалар боғчасида ўрнатилган карантин ёки 6 ёшгача бўлган болани карантин қилиш пайтида ота-оналардан бирига меҳнатга лаёқатсизлиги бўйича маълумотнома берилиши мумкин.
Меҳнатга лаёқатсизлик тўғрисидаги маълумотнома санитария-эпидемиология назорати маркази томонидан расмийлаштирилади. Ота-оналар билан бир қаторда, у оиланинг бошқа аъзосига ҳам берилиши мумкин. Бундай ҳолатда, ишдан озод қилиш муддати 14 календарь кундан ошмаслиги керак.
Карантин шароитида меҳнатга лаёқатсизлик тўғрисидаги маълумотнома эпидемиолог ёки санитария врачи томонидан Соғлиқни сақлаш вазирлиги ёки Қорақалпоғистон Республикаси Соғлиқни сақлаш вазирлиги ҳамда соғлиқни сақлаш бошқармаларининг рухсати асосида берилиши мумкин.
Изоҳлар мавжуд емас