Загрузка
Загрузка
Дарсликлар, кийим, онлайн ва карантин. Янги ўқув йилида мактаблар фаолиятига оид асосий масалалар
Жамият

Дарсликлар, кийим, онлайн ва карантин. Янги ўқув йилида мактаблар фаолиятига оид асосий масалалар

564
Загрузка

Ўзбекистон, Тошкент – Batafsil.uz ЯА. Халқ таълими вазирлиги матбуот котиби Лайло Рустамова ота-оналарнинг янги ўқув йилида мактаблар фаолияти ҳақидаги асосий саволларига жавоб берди.

– Янги ўқув йилида фақат анъанавий шаклда таълим олаётган ўқувчиларга дарсликлар берилиши, масофадан таълим олаётган ўқувчилар эса электрон дарсликлардан фойдаланиши ҳақидаги гаплар тўғрими?

– Йўқ. Барча ўқувчилар ўтган йиллардаги каби дарсликлар билан тенг таъминланади.

– Ота-оналар фарзанди учун масофавий таълимни танласалар, кимга мурожаат қилиш керак?

- Ота-оналар масофавий таълимни танлаганликлари ҳақида ўқитувчини хабардор қилсалар етарли. Бунинг учун ота-онадан ҳеч қандай ҳужжат талаб қилинмайди.

- Фарзандим мактабга спорт кийимида бора оладими?

– Боланинг мактабга қатнаш кийими мактабнинг ички тартиби ва одоб-ахлоқ қоидаларига тўла мос келиши керак. Ушбу қоидаларга кўра, мактабга спорт кийимида боришга рухсат берилмайди.

– Исталган вақтда ўқувчини анъанавий таълим шаклидан масофавий шаклга ёки аксинча ўтказиш мумкинми?

- Ҳа, бу жараён ўқитувчини хабардор қилиш асосида оширилади.

- Қайси ҳолларда мактаб ёки синф карантинга олинади?

– Бир синфнинг 3 нафар ўқувчисида коронавирус аниқланса, синф санитария-эпидемиология осойишталик маркази томонидан карантинга олинади ва мактабда дезинфекция тадбирлари ўтказилади. Синфлар ёки ўқитувчилар умумий сонининг 10 фоизида коронавирус учун ижобий таҳлил аниқланса, бутун мактаб карантинга ўтказилади.

– Мактабда санитария-гигиена қоидаларига риоя қилиш учун шароит бўлмаса, нима қилиш керак?

– Агар санитар-эпидемиология осойишталик маркази маълум бир мактабнинг санитария-гигиена талабларига жавоб бермаслигини аниқласа, бу мактабда анъанавий шаклдаги машғулотларни бошлашга йўл қўйилмайди, яъни ўқитиш масофадан туриб амалга оширилади.

Загрузка
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


Бошқа янгиликлар

Юклаш...