Ўзбекистон, Тошкент - Batafsil.uz. Бош прокуратура ҳузуридаги Департаментнинг Сергели туман бўлими томонидан ўтказилган терговга қадар текширувда тижорат банкларидан бирининг масъул шахслари томонидан содир этилган йирик миқдордаги талон-торожлик ҳолати фош этилди. Банк ходимлари фуқаронинг омонатга қўйилган 500 минг долларидан 300 минг долларини қалбаки ҳужжатлар тузиш орқали ўзлаштириб олишган.
Текширув давомида масъул шахслар омонатчи номидан қалбаки ариза ва бошқа сохта ҳужжатларни расмийлаштириб, маблағларни ноқонуний тарзда ўзлаштиргани аниқланган.
Мазкур ҳолат юзасидан жиноят иши қўзғатилган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, ҳозирда тергов ҳаракатлари олиб борилмоқда.
Бундан олдин Бухоро вилояти Ички ишлар бошқармаси Кибержиноятларга қарши курашиш бошқармаси ходимлари томонидан ўтказилган тезкор-техник тадбирлар натижасида фуқароларнинг банк карталаридаги миллионлаб маблағларини яширинча ўзлаштириб келган йирик жиноий тармоқ фош этилганди.
Изоҳлар мавжуд емас