Ўзбекистон, Тошкент – Batafsil.uz. Ижтимоий тармоқларда яқин бир сутка ичида шарқий яримшарнинг сейсмик фаол ҳудудларидан бирида 7 баллдан юқори бўлган кучли зилзила содир бўлиши мумкинлиги ҳақида хабарлар тарқалди. Ваҳимага кучли магнит бўрони сабаб бўлган.
Ўзбекистон Фавқулодда вазиятлар вазирлиги бу маълумотни рад этиб, сейсмик фаоллик ва магнит бўронлари бир-бирига боғлиқ бўлмаган ҳодисалар эканини таъкидлади. Бундан ташқари, бошқарма қуйидагиларни маълум қилди:
"Бугунги кунда зилзила вақти ва жойини аниқ башорат қилиш имконини берадиган илмий асосланган усуллар мавжуд эмас. ФВВ ҳузуридаги Сейсмопрогностик мониторинг маркази хулосасига кўра, Ўзбекистонда кучли ер силкинишлари хавфини кўрсатиши мумкин бўлган аномалиялар қайд этилмаган.
Идора фуқароларни саросимага тушмасликка ва текширилмаган маълумотларни тарқатмасликка чақирди.
Эслатиб ўтамиз, Ўзбекистонда 36 та тектоник ёриқ сейсмик фаол деб топилди ва батафсил паспортлар олинди. Республика бўйича уларнинг сони 800 дан ортиқ.
Изоҳлар мавжуд емас