Ўзбекистон, Тошкент – Batafsil.uz ЯА. Вазирлар Маҳкамаси ҳузуридаги Давлат санитария-эпидемиология назорати инспекцияси бошлиғи Нурмат Отабеков россияликларнинг 70 фоизида антитаначалар борлигига шубҳа қилди ва Россияда ниқоб тақиш амалиётининг бекор қилинганлигини нотўғри деб айтди.
"Россия фуқароларининг қарийб 70 фоизида антитаначалар бор дейишмоқда. Менимча, бундай эмас. Шу сабабли Россия Федерациясида бўлгани каби кўчада ниқоб тақишни бекор қилиш амалиёти нотўғри",- деди у Халқаро пресс-клуб йиғилишда.
Унинг сўзларига кўра, Ўзбекистонда инфекциянинг қайта авж олганига нафақат карантин қоидаларига эътиборсиз бўлган кишилар, балки яхшиланганидан кейин вазиятни жиддий қабул қилмаган баъзи ташкилотлар ҳам айбдордир.
Шунингдек, у “ковид” билан касалланган тиббий ходимлар масаласини ҳам кўтарди.
"Вирусни юқтирган ва касалликдан тўлиқ халос бўлган тиббий ходимлар ўз жойларига қайтиб, ишини давом эттирмоқда. Афсуски, коронавирус билан касалланган кўплаб тиббиёт ходимларимиз бор", - дея таъкидлади Отабеков.
Таҳлил топшириш ва бепул дори-дармонлар масалалари ҳам четда қолмади.
"Агар биз ҳаммани ёппасига текширишни бошласак, нафақат ПЦР мосламалари етишмайди, балки тиббиётнинг ўзи ҳам бунга бардош бера олмайди", - деди у.
Бундан ташқари, унинг сўзларига кўра, коронавирус билан касалланган одамларга бепул бериладиган дори-дармонлар оилавий поликлиникаларга етказиб берилади.
Изоҳлар мавжуд емас