Нурмат Отабеков: Ўзбекистонда Covid-19нинг енгил шакли билан  касалланганларни уйда даволаш назарда тутилмаган
Жамият

Нурмат Отабеков: Ўзбекистонда Covid-19нинг енгил шакли билан касалланганларни уйда даволаш назарда тутилмаган

603

Ўзбекистон, Тошкент – Batafsil.uz ЯА. Нурмат Отабеков бугунги кунда Ўзбекистонда Covid-19нинг енгил шакли билан касалланганларни уйда даволаш назарда тутилмаганлигини эслатиб ўтди. Бундай амалиётни жорий этиш таклифи сешанба куни Шавкат Мирзиёев раислигида ўтказилган йиғилишда илгари сурилди. Бу ҳақида мухбиримиз маълум қилмоқда. 

ОАВ маълум қилишича, Президент коронавирус билан боғлиқ вазият тобора мураккаблашиб бораётганини таъкидлаб, коронавирус инфекциясига чалиниш аломатсиз ёки енгил шаклда ўтаётган беморларни уй шароитида даволанишга ўтказишни топширган. Шу ўринда беморлар шифокорлар назорати остида бўлиши керак.

Бугун Вазирлар Маҳкамаси ҳузуридаги Давлат санитария-эпидемиология осойишталик инспекцияси бошлиғи, Республика Бош санитария инспектори Нурмат Отабеков O’zbekiston 24 телеканали орқали чиқиш қилиб, касаллик юқтирганларнинг 80 фоизида учрайдиган коронавирус инфекциясининг енгил шакли касалхонада мажбурий даволанишни талаб қиладими, деган саволга жавоб берди.

Отабековнинг таъкидлашича, Жаҳон соғлиқни сақлаш ташкилоти тавсия этган протоколга кўра, коронавирус инфекцияси бўлган беморлар стационар шароитда даволанишлари шарт. Ўзбекистонда Covid-19 инфекцияси аниқланган барча беморлар касалхонага ётқизилиб, керакли даволанишни оладилар.

Бош санитария инспекторининг сўзларига кўра, касалликнинг мақбул кечиши унинг босқичи ва даволанишни бошлаш вақтига боғлиқ. Агар беморларни эрта босқичда аниқлаш ва касалхонага ётқизиш мумкин бўлса, унда даволаниш самараси юқори бўлади. Бундан ташқари, ҳар қандай вақтда касалликнинг енгил шакли ўртача оғир даражага айланиши мумкин. Асоратлар пневмония ёки юрак-қон томир ва нафас олиш тизимларининг   бузилиши шаклида ҳам бўлиши мумкин.

Шунинг учун амалдаги протоколга биноан, республикада даволаш фақат стационар шароитларда амалга оширилади.

Нурмат Отабековнинг айтишича, ҳозирда соғайган беморларни реабилитация қилиш амалиётига ўзгаришлар киритилмоқда. Агар касаллик енгил шаклда кечган бўлса, бундай беморлар касалхонадан кейин уйларига боришлари мумкин. Касалликнинг оғир ҳолатларида бемор даволаниб чиққандан кейин ҳам яна 14 кун реабилитация марказида кузатув остида бўлади.



Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0



0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+