Ўзбекистон, Тошкент - Batafsil.uz. 2026 йилнинг 9 сентябрь куни Тошкент вилояти Бўстонлиқ туманидаги Чорвоқ сув омборида чўкиб кетган бир оиланинг уч нафар аъзосидан бирининг жасади сувдан олиб чиқилди.
Фавқулодда вазиятлар вазирлигининг хабар беришича, олиб борилган кенг қамровли қидирув-қутқарув амалиётлари натижасида соат 13:02 да ғаввос-қутқарувчилар марҳумлардан бирининг жасадини аниқлаган. Ҳодиса жойида ФВВ вазирининг топшириғи билан махсус штаб ташкил этилган бўлиб, сув омборининг чуқурлиги ва майдони кенглиги сабабли жараёнга Жиззах ва Сирдарё вилоятлари ФВБнинг қўшимча куч ва воситалари, шунингдек, замонавий махсус техникалар жалб этилган.
Ҳозирда қолган икки нафар фуқаронинг жасадини топиш бўйича сув ости қидирув ишлари жадал давом эттирилмоқда.
Олдинроқ 2 сентябрь куни катерда сайрга чиққан ота ва унинг икки ўғли сувга тушиш тақиқланган ҳудудда ҳимоя нимчасисиз сувга сакраши оқибатида чўкиб кетган эди.
Изоҳлар мавжуд емас