Ўзбекистон, Тошкент - Batafsil.uz. Олтой ўлкасида қутқарувчилар кучли совуқда қорли трассада оғир аҳволга тушиб қолган Ўзбекистон фуқароларига ёрдамга етиб келган. Бир неча киши ватанига кетаётган эди, лекин уларнинг машинаси йўлда бузилиб қолган.
Олтой ўлкаси Фавқулодда вазиятлар вазирлигидан маълум қилишларича, воқеа 25 февралга ўтар кечаси Ребрихинск туманидаги А-321 федерал трассасида содир бўлган. Бузилган Chevrolet автомобили салонида Бийск шаҳридан Ўзбекистонга йўл олган беш киши бўлган.
Ёрдамга 81-ёнғин-қутқарув қисми жангчилари етиб борган. Музлаб қолган ўзбекистонликлар Ребриха қишлоғидаги иситиш пунктига эвакуация қилинган.
"Ҳозир қутқарилганларга ҳеч нарса таҳдид солмаяпти, тиббий ёрдам талаб қилинмади. Новосибирскдан одамларни олиб кетиш, автомобилни таъмирлаш учун қариндошлари йўлга чиқди", - деди 18-отряд бошлиғи ўринбосари Алексей Саенко.
Аввалроқ, уч нафар Ўзбекистон фуқароси автобус носозлиги туфайли Остона - Петропавловск йўналишида қолиб кетган йўловчилар орасида бўлган эди. Қозоғистон Фавқулодда вазиятлар вазирлиги ходимлари уларни зудлик билан иситиш пунктига олиб борган.
Изоҳлар мавжуд емас