Ўзбекистон, Тошкент - Batafsil.uz. STAR.VISION компанияси томонидан Хитойнинг Шаньдун провинцияси қирғоқлари яқинидаги денгиз старт платформасидан Ўзбекистоннинг Samarkand-2028 ва Индонезиянинг Lampung-1 гиперспектрал сунъий йўлдошлари муваффақиятли учирилди.
Бугун, 5 август куни амалга оширилган мазкур лойиҳа Ўзбекистон тарихидаги энг йирик халқаро космик ташаббуслардан бири бўлиб, миллий космик дастур ривожида янги босқични бошлаб берган ҳамда икки давлат ўртасидаги илмий-технологик ҳамкорликни мустаҳкамлашга хизмат қилади.
Лойиҳа доирасида "Ўзбеккосмос" агентлиги мутахассислари сунъий йўлдош борти учун махсус сунъий интеллект модулини ишлаб чиққан бўлиб, бу гиперспектрал маълумотларни бевосита орбитада қайта ишлаш ҳамда таҳлил қилиш самарадорлигини оширади. Samarkand-2028 миссияси қишлоқ хўжалиги, экология, табиий ресурслар мониторинги, сув ресурсларини бошқариш, фавқулодда вазиятлар ҳамда шаҳарсозлик йўналишларида космик технологиялардан фойдаланиш имкониятlarini кенгайтиради.
Шунингдек, сунъий йўлдошнинг бундай номланиши 2028 йилда Халқаро астронавтика конгресси Самарқанд шаҳрида ўтказилиши билан боғлиқ рамзий маънога эга.
Изоҳлар мавжуд емас