Ўзбекистон, Тошкент - Batafsil.uz. Ўзбекистон президенти Шавкат Мирзиёев ҳокимлар, маҳалла раислари ва "маҳалла еттилиги" иштирокчиларига керакли ресурслар ва ваколатлар аллақачон берилганини, бироқ уларда масъулият ва ташаббускорлик етишмаётганини айтди.
Бу ҳақда давлат раҳбари маҳаллаларда янги муҳит яратиш ва "маҳалла еттилиги" иш тартибини ўзгартиришга бағишланган йиғилишда маълум қилди.
Президент жорий йилда инфратузилмани яхшилаш, аҳоли ва тадбиркорларга шароит яратиш учун ҳар бир туманга ўртача 250 миллиард сўмдан, ҳар бир маҳаллага 5,5 миллиард сўмдан маблағ ажратилганини таъкидлади.
Туман ҳокимлари ва маҳалла раисларининг тушумларни бошқариш бўйича ваколатлари кенгайтирилгани жойларда қоладиган қўшимча даромадларни 2 баробаргача ошириш имконини берди. Ҳар бир туман ихтиёрида яна ўртача 22 миллиард сўмдан маблағ қолди, маҳаллалар бюджетига эса 150-200 миллион сўмдан маблағ тушди.
Аввалроқ президент Бекобод шаҳридаги "Дўстлик" маҳалласида бўлиб, ҳудуд ва "Хос ез" канали бўйидаги ободонлаштириш ишлари билан танишган эди.
Изоҳлар мавжуд емас