Ўзбекистон, Тошкент - Batafsil.uz. 2026 йил сентябрь ойида аҳоли томонидан сезилган инфляция даражаси 9,2 фоизни ташкил этди. Бу кўрсаткич август ойига нисбатан пасайган. Сўров натижаларига кўра, нархлар ўсиши энг кўп гўшт ва сут маҳсулотлари, бензин ҳамда ёқилғи билан боғлиқ харажатларда сезилган.
Соҳалар кесимида энг юқори сезилган инфляция пенсионерлар орасида қайд этилган — 12,5 фоиз. Умумий овқатланиш соҳасида фаолият юритувчи респондентларда эса бу кўрсаткич 8,2 фоизни ташкил этган.
Ҳудудлар бўйича Тошкент шаҳри аҳолиси инфляцияни энг юқори даражада — 11,9 фоиз деб баҳолаган. Энг паст кўрсаткич Наманган вилоятида қайд этилган — 7,9 фоиз.
Даромадлар кесимида эса ойлик даромади 10 миллион сўмдан юқори бўлган аҳоли орасида сезилган инфляция нисбатан юқори шаклланган.
Сўровда иштирок этган аҳоли нархи сезиларли ошган товар ва хизматлар қаторида қуйидагиларни кўрсатган:
-
гўшт ва сут маҳсулотлари — 56 фоиз;
-
бензин ва ёқилғи — 53 фоиз;
-
электр энергияси ва табиий газ — 36 фоиз;
-
йўлкира ва ташиш хизматлари — 24 фоиз;
-
умумий овқатланиш хизматлари — 22 фоиз.
Шундай қилиб, сентябрь ойида аҳоли сезган инфляция пасайган бўлса-да, озиқ-овқат, ёқилғи ва коммунал хизматлар нархлари кундалик харажатларга таъсир кўрсатувчи асосий омиллар бўлиб қолмоқда.
Изоҳлар мавжуд емас