Ўзбекистон, Тошкент - Batafsil.uz. 19–23 октябрь кунлари Ўзбекистонда ёғингарчиликсиз, очиқ ҳаво кузатилади. Ҳафта бошида кундузи ҳарорат 20–25 даража илиқ бўлса, дам олиш кунлари арафасида 17–22 даражагача пасаяди. Тунда эса ҳаво 3–8 даражагача совийди.
Ўзбекистон Гидрометеорология хизмати маълумотларига кўра, ҳафта давомида шамол шарқдан эсиб, тезлиги секундига 7–12 метрни ташкил этади. Мамлакат бўйлаб ёғингарчилик кутилмаяпти.
Тошкентда ҳам ҳафта давомида ёмғир ёғиши прогноз қилинмаган. 19–20 октябрь кунлари кундузи ҳаво 23–25 даражагача исийди. 21–22 октябрь кунлари эса ҳарорат 20–22 даражагача пасаяди. Пойтахтда шамол шарқдан секундига 3–8 метр тезликда эсади.
Кечалари ҳам ҳарорат аста-секин тушиб боради. 20 октябрь тонгида 10–12 даража илиқ бўлиши кутилса, 22 октябрь тонгига келиб 6–8 даражагача пасаяди.
Шундай қилиб, ҳафта давомида кундузги ҳаво нисбатан илиқ сақланади, аммо кечалари ва эрталаб ҳарорат сезиларли даражада паст бўлади.
Изоҳлар мавжуд емас