Ўзбекистон, Тошкент - Batafsil.uz. Ўзбекистон Олий таълим, фан ва инновациялар вазири Қўнғиротбой Шарипов балконда осилиб қолган болани қутқарган талабани тақдирлади.
Вазирлик хабарига кўра, Тошкент кимё-технология институти талабаси Муҳриддин Илашов 16 октябрь куни пойтахтнинг Янгиҳаёт туманида қаҳрамонлик кўрсатди. Йигит боланинг тўртинчи қават балконида осилиб турганини кўриб, зудлик билан қутқарув ишларини ташкиллаштирган. Бу фожианинг олдини олишга ёрдам берган.
Вазир унга ташаккурнома ва эсдалик совғасини топширди. Тақдирлаш маросимида ушбу жасорат бутун мамлакат ёшлари учун ибрат намунаси эканини таъкидлади. Вазирлик раҳбари ўсиб келаётган авлодда инсонпарварлик, ватанпарварлик ва экстремал вазиятда ёрдамга келишга тайёрлик каби фазилатларни тарбиялаш муҳимлигини таъкидлади.
Аввалроқ пойтахтнинг Юнусобод туманида Миллий гвардия ходими патруль вақтида Бурижар каналида чўкиб кетаётган қизни пайқаб қолганди. Ҳуқуқ-тартибот ходими жабрланувчини сувдан чиқариб, унга биринчи ёрдам кўрсатди. Уни мукофотлаш масаласи кўриб чиқилмоқда.
Изоҳлар мавжуд емас