Ўзбекистон, Тошкент - Batafsil.uz. Октябрнинг сўнгги кунларида Ўзбекистонда асосан қуруқ об-ҳаво кузатилади. 29–30 октябрь кунлари ҳаво ҳарорати кундузи 17–22 даражагача кўтарилади, 28 октябрда эса мамлакатнинг айрим ҳудудларида бироз ёмғир ёғиши мумкин. Тошкентда ҳафта охиригача сезиларли ёғингарчилик кузатилмайди.
Ўзгидромет маълумотларига кўра, 26–27 октябрь кунлари мамлакатнинг аксарият ҳудудларида ёғингарчиликсиз об-ҳаво сақланади. Шимолий ва чўл ҳудудларида шамол тезлиги секундига 13–18 метргача кучайиши, айрим жойларда ер юзасида чанг кўтарилиши мумкин.
Кундузи ҳаво ҳарорати 15–20 даража, шимолда эса 10–15 даража бўлади. Тунда ҳарорат 5–10 даражагача пасаяди, шимолий ҳудудларда эса минус 2 даражадан 3 даражагача совуқ кузатилиши мумкин.
28 октябрда айрим ҳудудларда бироз ёмғир ёғиши эҳтимоли бор. Шимол ва шарқда ёғингарчилик кутилмаяпти. 28–30 октябрь кунлари тоғ олди ва тоғли ҳудудларда ёмғир ёғади, баланд тоғларда эса ёғингарчилик қорга айланиши мумкин.
Тошкентда ҳафта охиригача ёмғир кутилмаяпти. Пойтахтда кундузи ҳаво 18–20 даража, тунда эса 8–10 даража бўлади. Шамол шарқдан секундига 3–8 метр тезликда эсади.
Изоҳлар мавжуд емас