Ўзбекистон, Тошкент - Batafsil.uz. 2026 йилги Хотира ва қадрлаш куни шанба кунига тўғри келиши муносабати билан ўзбекистонликлар учун қўшимча дам олиш куни белгиланди. Президент фармонига асосан, дам олиш кунларининг кўчирилиши ҳисобига беш кунлик иш ҳафтасидаги ходимлар кетма-кет уч кун ҳордиқ чиқаришади.
Янги тартибга кўра, 9 май (шанба) байрам куни бўлгани сабабли, ушбу дам олиш куни 11 май — душанба кунига кўчирилган. Натижада, ҳафтасига беш кун ишлайдиган фуқаролар 9, 10 ва 11 май кунлари ишламайдилар. Олти кунлик иш ҳафтасидаги ходимлар учун эса дам олиш кунлари 9 ва 10 май кунларига тўғри келади.
Мазкур тартиб Ўзбекистон Республикаси Президентининг 2025 йил декабрида имзоланган "2026 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида"ги фармони билан мустаҳкамланган.
12 май, сешанба куни эса барча ходимлар учун расмий иш куни ҳисобланади.
Изоҳлар мавжуд емас