Ўзбекистон, Тошкент - Batafsil.uz. Бугун Тошкент аҳолисини қуруқ ва иссиқ об-ҳаво кутмоқда. Шу билан бирга, пойтахтда чанг бўронлари ва шамолнинг кучайиши мумкин.
Об-ҳаво шароити ёмонлашиши ҳақида "Ўзгидромет" директори Шерзодхўжа Ҳабибуллахўжа хабар берди.
Бугун Тошкентда шамолнинг тезлиги секундига 3-8 метргача, баъзи жойларда чанг-тўзонлар билан бирга секундига 10-12 метргача кучайиши мумкин. Пойтахтда ҳарорат 35-37 даража бўлади.
Ўзбекистон вилоятларида шамолнинг тезлиги секундига 7-12 метргача, баъзи жойларда чанг-тўзонлар билан бирга секундига 13-18 метргача кучайиши мумкин. Ҳарорат 33-38 даража, жанубда ва чўл ҳудудларда баъзи жойларда 39-41 даражагача бўлади.
Агар пойтахт ва вилоятларда шамол кучаядиган бўлса, аҳолига уйдан чиқмаслик, чанг кирмаслиги учун деразаларни ёпиш тавсия этилмоқда.
Машиналарни дарахтлар остига қўймаслик ва шаҳар кўчаларида ҳаракатланишда жуда эҳтиёт бўлиш мақсадга мувофиқдир.
Эслатиб ўтамиз, 9-11 июль кунлари Ўзбекистоннинг бир қатор тоғолди ва тоғли ҳудудларида ёмғир ёғиши кутилмоқда, бу сел оқимлари ва тошқинларни келтириб чиқариши мумкин.
Изоҳлар мавжуд емас