Ўзбекистон, Тошкент - Batafsil.uz. Америка Қўшма Штатлари мустақиллигининг 250 йиллиги муносабати билан Давлат департаменти янги дизайндаги чекланган миқдордаги паспортларни чиқаришни режалаштирмоқда. Унда Дональд Трамп сурати жойлаштирилиши айтилмоқда.
Маълум қилинишича, паспортнинг ички муқовасида президент тасвири ва имзоси, орқа қисмида эса "Мустақиллик декларацияси" асаридан фрагмент акс этади. Шу билан бирга, ҳужжатнинг хавфсизлик талаблари ўзгаришсиз қолади.
Янги паспортлар дастлаб Вашингтондаги паспорт агентлиги орқали тақдим этилади, бошқа ҳудудларда эса амалдаги дизайн сақланиб қолади.
Шунингдек, юбилей муносабати билан махсус кириш карталари ва эсдалик тангалари ҳам чиқарилиши режалаштирилган.
Бундан олдин ҳам АҚШ Тасвирий санъат бўйича федерал комиссияси президенти Трамп тасвири туширилган эсдалик олтин тангаси дизайнини бир овоздан маъқуллаганди. Соф 24 каратли олтиндан ясалган бу тангани 4 июль куни нишонланадиган мамлакат мустақиллигининг 250 йиллиги муносабати билан чиқариш режалаштирилган эди. Унда Трамп муштларини столга тираб турган ҳолда тасвирланган.
Изоҳлар мавжуд емас