Ўзбекистон, Тошкент - Batafsil.uz. Корея Республикасида меҳнат фаолиятини олиб бораётган ўзбекистонлик фуқаро Миграция агентлигининг ваколатхонаси кўмагида Ўзбекистонга олиб келинди. Маълум қилинишича, у 2023 йилдан буён Чонан шаҳрида H-2 визаси асосида ишлаб келаётган бўлган.
Фуқаронинг соғлиғи кескин ёмонлашиб, "инсульт" ташхиси билан шифохонага ётқизилган. Даволовчи шифокорлар хулосасига кўра, уни махсус тиббий кузатув остида Ватанга қайтариш мумкинлиги белгиланган.
Олиб борилган музокаралар натижасида клиника харажатлари бўйича енгилликка эришилган. Шунингдек, Миграция жамғармаси ҳисобидан бемор ва уни кузатиб келган шифокор авиачипталар билан таъминланиб, Сеул–Тошкент йўналиши бўйича юртимизга олиб келинган.
Масъул идоралар фуқарога тезроқ соғайиб кетишини тилаб, хорижда меҳнат қилаётган юртдошларга зарур ҳолатларда Миграция агентлигига мурожаат қилишни тавсия этган.
Бундан олдин ҳам Россиянинг Новосибирск шаҳрида оғир аҳволда қолиб кетган 7 нафар вояга етмаган бола Ўзбекистонга қайтарилганди.
Изоҳлар мавжуд емас