Ўзбекистон, Тошкент - Batafsil.uz. Ижтимоий тармоқларда Жиззах вилояти суди судьясининг катта ёрдамчиси ҳамда суд тугатиш бошқарувчиси бир компаниянинг 230 миллион сўмлик қарздорлигини банкротлик иши доирасида бартараф этиб бериш эвазига 10 миллион сўм пора олаётган вақтида ушлангани ҳақида хабарлар тарқалди. Расмийлар хабарнинг бир қисмини инкор этди.
Маълум қилинишича, суд тугатиш бошқарувчиси ҳақиқатан ҳам тезкор тадбирда қўлга олинган ва унга нисбатан "қамоққа олиш" эҳтиёт чораси қўлланилган. Аммо судьянинг катта ёрдамчисининг бу жиноятга алоқаси йўқ ва у айни пайтда ўз ишини давом эттирмоқда.
Шундай қилиб, компания ишини ижобий ҳал қилишни ваъда қилиб қўлга тушган шахс 2 йил аввал университетни битирган ёш мутахассис — суд тугатиш бошқарувчиси бўлиб чиққан.
Эслатиб ўтамиз, Жиноят ишлари бўйича Олмазор туман суди ички ишлар органларининг собиқ катта лейтенантига нисбатан ҳукм чиқарганди. Собиқ участка инспектори ўзининг хизмат уйида синтетик гиёҳвандлик воситаларини ишлаб чиқариш ва тарқатишни йўлга қўйган эди. Суд уни 12 йилга умумий тартибли колонияга ҳукм қилди ва уч йилга ИИВ тизимида лавозимларни эгаллаш ҳуқуқидан маҳрум қилган.
Изоҳлар мавжуд емас