Ўзбекистон, Тошкент - Batafsil.uz. Швейцария Конфедерациясининг Ўзбекистондаги янги Фавқулодда ва Мухтор Элчиси Симон Гигер иш бошлади. Ташқи ишлар вазири Бахтиёр Саидов дипломатдан ишонч ёрлиқлари нусхаларини қабул қилиб олди.
Учрашувда Ўзбекистон–Швейцария сиёсий мулоқотини фаоллаштириш, савдо-иқтисодий ва инвестициявий ҳамкорликни кенгайтириш, саноат кооперацияси ва қўшма лойиҳаларни ривожлантириш масалалари муҳокама қилинган.
Саидов элчининг дипломатик фаолиятида муваффақият тилаб, икки давлат муносабатларини янада ривожлантиришга қаратилган ташаббусларни қўллаб-қувватлашини билдирган.
Аввалроқ ҳам Ўзбекистон президенти Шавкат Мирзиёев 28 июль куни тўққизта хорижий давлатнинг янги тайинланган элчиларидан ишонч ёрлиқларини қабул қилганди.
Изоҳлар мавжуд емас