Ўзбекистон, Тошкент - Batafsil.uz. Футбол юлдузи Криштиану Роналду узоқ йиллик севгилиси, модель ва инфлюенсер Жоржина Родригес билан Португалияда никоҳдан ўтди.
Олдинроқ уларнинг тўй маросимини Португалиянинг Мадейра оролидаги Фуншал шаҳрида ўтказиши кутилаётгани ҳақида хабар
берган эдик.
Жуфтлик никоҳ маросимини Фуншал соборида, асосий тантаналарни эса беш юлдузли Savoy Palace меҳмонхонасида ташкил этиши режалаштирилган эди.
Португалия ОАВлари хабар беришича, тўй 11 август куни Лиссабон яқинидаги Кашкайш шаҳрида бўлиб ўтган. Маросимда жуфтликнинг беш нафар фарзанди ҳам иштирок этган.
Роналду Instagram саҳифасига никоҳ узуклари тақилган икки қўл акс этган суратни жойлаштирган. Пост 30 дақиқа ичида 3 миллиондан ортиқ лайк тўплаган.
Роналду ва Родригес қарийб 10 йилдан бери бирга. Улар футболчи "Реал Мадрид"да ўйнаган даврда Мадриддаги Gucci дўконида танишган. Жуфтлик 2025 йил 11 августда никоҳланишини эълон қилган эди.
Роналду фаолияти давомида "Спортинг", "Манчестер Юнайтед", "Реал Мадрид", "Ювентус", "Ал-Наср" ва Португалия терма жамоаси сафида тўп тепган. У фаолияти давомида 1000 га яқин гол урган.
Изоҳлар мавжуд емас