Толиблар Трансафғон темир йўл маршрутини ўрганувчи ўзбекистонлик дала гуруҳининг хавфсизлигини таъминлайди
Сиёсат

Толиблар Трансафғон темир йўл маршрутини ўрганувчи ўзбекистонлик дала гуруҳининг хавфсизлигини таъминлайди

3940

Ўзбекистон, Тошкент – Batafsil.uz. Толиблар Трансафғон темир йўл маршрутини ўрганувчи ўзбекистонлик дала гуруҳининг хавфсизлигини таъминлайди. Бу ҳақда яқинда Термизга ташриф буюрган Афғон темир йўл бошқармаси раиси Бахтуррахмон Шарофат маълум қилган. Бу тўғрисида Batafsil.uz. мухбири хабар бермоқда. 

"Музокараларнинг асосий мавзуларидан бири - Марказий ва Жанубий Осиёни боғлайдиган Трансафғон темир йўлини қуриш бўйича йирик лойиҳадир. Яқин келажакда маршрут йўналишини ўрганиш ва бу учун дала экспедициясини ташкил этиш режалаштирилган. Шу билан бирга, Афғонистон ҳукумати томонларнинг хавфсизлигини, хусусан экспедиция гуруҳининг хавфсизлигини таъминлайди", -деди Шарофат журналистларга.

Унинг сўзларига кўра, яқин вақт ичида экспедиция гуруҳи ишни Мозори Шарифдан бошлаб, Бамиан провинциясига ўтади, сўнгра Қобул ва Жалолободга йўл олади. Шунингдек, унинг қўшимча қилишича, томонлар ушбу йўналишда келишилган йўл харитасини батафсил муҳокама қилиб олишган.        

"Бундан ташқари, юк ташиш ҳажмини ошириш билан боғлиқ масалалар муҳокама қилинди. 2011 йилдан бошлаб “Ҳайратон–Мозори Шариф” темир йўлига хизмат кўрсатиш ва ундан фойдаланишни Ўзбекистоннинг “Сўғдиёна Транс” компанияси амалга оширмоқда. Биз бундан жуда хурсандмиз ва ушбу компаниянинг ишидан мамнунмиз. Бироқ, биз бу ерда тўхтамаслигимиз керак. Биз ташув ҳажмини оширишимиз ва янги юкларни жалб қилишимиз керак", - дея таъкидлади Шарофат.

Шунингдек, унинг сўзларига кўра, Термиз шаҳрида бўлиб ўтган музокаралар чоғида томонлар Ҳайратон бекатидан Мозори-Шариф бекатигача бўлган темир йўл участкасини реконструкция қилиш лойиҳасини муҳокама қилишган.

"Ўзбекистон томони мазкур темир йўл линиясини реконструкция қилишни биргаликда ўрганиш борасида қизиқиш ва тайёр эканлигини билдирди", - деди Бахтуррахмон Шарофат.

Эслатиб ўтамизки, 2021 йилнинг иккинчи ярмида Ҳайратон–Мозори Шариф йўналишида темир йўл юк айланмаси сезиларли даражада пасайган. 2022 йилнинг биринчи чораги натижаларига кўра, юк айланмаси ҳажми ўтган йилги даражани ташкил этиб,   сал кам 1,1 миллион тоннадан ортган.

Ўзбекистон бўйлаб янгиликлар: Telegram-каналга уланинг 

Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0

0 изоҳлар

  • Изоҳлар мавжуд емас

Рухсат олинг Шарҳлар қолдириш мумкин бўлиши учун.


USER_ID and USER_SESSION_ID undefined

Бошқа янгиликлар

Юклаш...
18+