Ўзбекистон, Тошкент - Batafsil.uz. Ўзбекистон Республикаси ва Гвинея-Бисау Республикаси ўртасида дипломатик муносабатлар ўрнатиш тўғрисида Қўшма коммунике имзоланди. Ғарбий Африкада жойлашган ушбу давлат Ўзбекистон дипломатик алоқалар ўрнатган 168-мамлакат бўлди.
2026 йилнинг 22 апрель куни Нью-Йорк шаҳрида бўлиб ўтган тадбирда Ўзбекистоннинг БМТдаги доимий вакили Улуғбек Лапасов ва Гвинея-Бисаунинг БМТдаги миссияси раҳбари Самба Сане тегишли ҳужжатга имзо чекканлар. Томонлар халқаро ташкилотлар, хусусан, БМТ ва унинг ихтисослашган муассасалари доирасида ҳамкорликни мустаҳкамлашдан манфаатдор эканликларини билдирганлар.
Учрашув давомида икки томонлама алоқаларнинг ўзаро манфаатли йўналишларини топиш ва ҳамкорликни фаоллаштириш бўйича келишувга эришилган. Бу қадам Ўзбекистоннинг Африка қитъаси давлатлари билан ташқи сиёсий ва иқтисодий алоқаларини кенгайтириш стратегиясининг мантиқий давоми ҳисобланади.
Изоҳлар мавжуд емас