Ўзбекистон, Тошкент - Batafsil.uz. Суд қўқонлик фуқарони Сурияда фаолият юритаётган террорчилик гуруҳига қўшилишга урингани учун 6 йилга озодликдан маҳрум қилди.
Давлат хавфсизлик хизмати маълумотларига кўра, 2021 йилда эркак Телеграмда канал очиб, унда экстремистик материалларни тарқатган. Шунингдек, у "Тавҳид ва жиҳод" террорчилик ташкилоти вакили билан Instagram орқали алоқа ўрнатиб, можаро ҳудудига чиқиш йўлларини муҳокама қилгани айтилмоқда.
Бундан ташқари, у синфдошлари ва танишларини Суриядаги қуролли гуруҳларга қўшилишга кўндириш орқали ўз ниятига жалб қилишга уринди.
Суд уни экстремистик ташкилотларни тузиш, уларга раҳбарлик қилиш ёки уларда иштирок этиш, жамоат хавфсизлигига таҳдид солувчи материалларни тарқатиш моддалари бўйича айбдор деб топди.
Аввалроқ Андижон вилоятида 28 ёшли эркак Сурия ва Афғонистондаги террорчилик гуруҳларига қўшилишга уриниш, шунингдек, жангариларни молиялаштиришда айбланиб, 8,5 йилга озодликдан маҳрум этилганди.
Изоҳлар мавжуд емас