Ўзбекистон, Тошкент - Batafsil.uz. Тошкент шаҳрида яшовчи, 1979 йилда туғилган, муқаддам судланган шахс ва унинг 1988 йилда туғилган укаси Тошкент туманидаги коттеж уйни 66 минг АҚШ долларига сотиб олишга келишиб, товламачилик содир этди. Улар дастлаб уй эгасига 30 минг АҚШ доллари бериб, қолган 36 минг долларни 6 ой ичида тўлашни ваъда қилиб, 2022 йилнинг май ойида уйни катта акалари номига нотариал расмийлаштирди.
Расмий хабарга кўра, кейинчалик эса қолган маблағни беришдан бош тортиб, пулини сўраган фуқарога тазйиқ ўтказиш ва қўрқитиш йўлига ўтишган.
Давлат хавфсизлик хизмати ва пойтахт Ички ишлар бош бошқармаси ходимлари томонидан ўтказилган тезкор тадбир давомида гумонланувчилар қўлга олинган. Ҳозирда уларга нисбатан Жиноят кодексининг 165-моддаси (товламачилик) 3-қисми “а” банди билан жиноят иши қўзғатилиб, тергов ҳаракатлари олиб борилмоқда.
Олдинроқ Яккасарой туманида MEGA LOGISTICS SERVICE компанияси томонидан қурилаётган 9 та блокнинг фақат 3 таси тегишли ҳужжатлар асосида Инспекциядан рўйхатдан ўтказилиб, қолган 6 та блокда эса қурилиш-монтаж ишлари ҳеч қандай рухсатномасиз ва белгиланган тартибни бузган ҳолда олиб борилаётгани аниқланганди.
Изоҳлар мавжуд емас