Ўзбекистон, Тошкент - Batafsil.uz. Яккасарой туманида MEGA LOGISTICS SERVICE компанияси томонидан қурилаётган 9 та блокнинг фақат 3 таси тегишли ҳужжатлар асосида Инспекциядан рўйхатдан ўтказилди. Қолган 6 та блокда эса қурилиш-монтаж ишлари ҳеч қандай рухсатномасиз ва белгиланган тартибни бузган ҳолда олиб борилмоқда.
Бу ҳақда Қурилиш ва уй-жой коммунал хўжалиги соҳасида назорат қилиш инспекцияси ижтимоий тармоқларда тарқалган эътирозларга нисбатан билдирган расмий муносабатида маълум қилди.
Инспекция хабарига кўра, ноқонуний қурилиш ҳолатлари юзасидан буюртмачига бир неча бор мажбурий ёзма кўрсатмалар берилган. Бироқ талаблар бажарилмагач, компаниянинг масъул мансабдор шахслари маъмурий жавобгарликка тортилган ва техник назоратчига нисбатан таъсир чоралари қўлланилган.
Бундан ташқари, тўпланган ҳужжатлар ҳолатга ҳуқуқий баҳо бериш учун ҳуқуқни муҳофаза қилувчи органларга юборилган. Назорат органи жамоатчиликка мурожаат қилиб, ижтимоий тармоқлардаги хабарларни тарқатишда расмий манбаларга таяниш мақсадга мувофиқлигини эслатиб ўтади.
Олдинроқ пойтахтда фуқароларга компенсация пуллари тўлиқ тўланмасдан ва мажбурий кўчириш ҳаракатлари якунланмасдан туриб уйларнинг ноқонуний бузиб ташлангани ҳамда рухсатномасиз кўп қаватли бинолар қурилгани аниқланган эди.
Қурилиш инспекцияси Мega Logistics Service компанияси 6 та блокда ноқонуний қурилиш олиб боргани аниқланди
15
Мақоладан таъсирланиш
Ёқади
0
Таҳсинга лойиқ
0
Хурсандчилик
0
Ҳайрон бўлмоқ
0
Тушкунлик
0
Хомушлик
0
Ҳафсаласи пир бўлмоқ
0
Ёқмайди
0
Изоҳлар мавжуд емас