Ўзбекистон, Тошкент – Batafsil.uz. Чироқчи туманида бир эркак қизни ва унинг дугонасини калтаклаган. Бу ҳақда “Қашқадарё янгиликлари” Телеграм-каналига ҳавола қилган ҳолда Batafsil.uz. мухбири хабар бермоқда.
Ҳодиса 24 апрель куни тахминан соат 22.00 да содир бўлган. Видеоёзувга кўра, икки нафар қиз озиқ-овқат бозори яқинида жойлашган автотураргоҳда турган. Улардан бири бир эркак билан гаплашиб, телефонида ниманидир кўрсатган.
Бироқ, бироз вақт ўтгач, эркак аёлни сочларидан судраб уриб кетган. Унинг дугонаси телефони билан қочишга уринган, лекин унга нисбатан ҳам жисмоний зўравонлик қилинган.
Кейинчалик Шаҳрисабз туманидаги “Ҳожимайдон” маҳалласида истиқомат қилувчи фуқаро ИИБга мурожаат қилиб, номаълум шахс уни ҳеч қандай сабабсиз дўппослагани ҳақида хабар берган.
Қизни урган фуқарога нисбатан Жиноят кодексининг 277-моддаси 1-қисми (безорилик) бўйича жиноий иш очилган. Тергов ҳаракатлари олиб борилмоқда.
Вилоят прокуратураси мазкур воқеа юзасидан изоҳ бериб, иш назоратга олинганини билдирган.
Ўзбекистон бўйлаб янгиликлар: Telegram-каналга уланинг
Изоҳлар мавжуд емас