Ўзбекистон, Тошкент - Batafsil.uz. Наманган вилояти Чуст туманида қиз ҳаракатланаётган автомобиль томида ўтирган ҳолда видеога олган. Ролик ижтимоий тармоқларда пайдо бўлди ва танқид тўлқинини келтириб чиқарди. Фойдаланувчилар нафақат қоидабузарликка, балки ҳаёт учун жиддий хавфга ҳам эътибор қаратишган.
Йўл ҳаракати хавфсизлиги хизмати хабарига кўра, видео эълон қилинганидан сўнг Чуст ИИБ ходимлари ҳайдовчининг шахсини зудлик билан аниқлаб, автомашинани жарима майдончасига олиб борган.
Ҳайдовчи маъмурий жавобгарликка тортилди. У 1,5 йилга ҳайдовчилик гувоҳномасидан маҳрум қилинди ва 9,3 миллион сўм жаримага тортилди.
Автомобиль томида бўлган аёл ҳам жавобгарликка тортилди. У бир ярим ёшли фарзандини тарбиялаётгани инобатга олиниб, 1,8 миллион сўм жаримага тортилган.
Эслатиб ўтамиз, аввалроқ Тошкентда хавфли Инстаграм-трендни суратга олаётган йигит машина тагида қолиб кетганди.
Изоҳлар мавжуд емас