Ўзбекистон, Тошкент - Batafsil.uz. Навоий кон-металлургия комбинатида (НКМК) яна инсонлар ўлими билан боғлиқ нохуш ҳодиса юз берди. Маълум қилинишича, 2026 йилнинг 10 сентябрь куни комбинатнинг "Қизилқум" кон бошқармаси таркибидаги Пистали конида кон автоағдаргичи (самосвал) шинаси кучли босим оқибатида портлаб кетган.
Фожиали ҳодиса оқибатида корхонанинг икки нафар ишчиси воқеа жойида ҳалок бўлган. Шунингдек, портлаш вақтида яқин атрофда бўлган яна бир неча ходим турли даражадаги тан жароҳатлари олган. Ҳозирча Навоий кон-металлургия комбинати раҳбарияти томонидан ушбу ҳолат юзасидан расмий муносабат берилмаган.
Таъкидлаш жоизки, бу НКМК объектларида сўнгги икки ой ичида одамлар ўлими билан боғлиқ равишда қайд этилган иккинчи йирик мудҳиш ҳодисадир. Аввалроқ, яъни 2026 йилнинг 21 июль куни Мурунтов конида улкан кон автоағдаргичи енгил автомобилни босиб кетиши оқибатида ҳам 2 нафар ишчи ҳаётдан кўз юмган эди.
Изоҳлар мавжуд емас