Ўзбекистон, Тошкент - Batafsil.uz. Қорақалпоғистон Республикасида Ижтимоий ҳимоя миллий агентлиги тизимидаги "Инсон" ижтимоий хизматлар маркази туман бўлимининг тўловлар бўлими бошлиғи 33 та кам таъминланган оилага ажратилган 520 миллион сўм бюджет маблағини талон-торож қилганликда гумонланмоқда.
Тергов олди суриштирув маълумотларига кўра, мансабдор шахс ўз хизмат мавқеидан фойдаланиб, 2024–2025 йиллар ва 2026 йилнинг август ойига қадар танишлари билан олдиндан тил бириктирган.
У фуқаролар номидан банк пластик карталарини олиш ва нафақа маблағларини ечиб олиш ҳуқуқини берувчи сохта ишончномалар тайёрлаб, тумандаги 33 нафар фуқаро номига очилган карталардаги 520 миллион сўм маблағни ўзлаштириб олган.
Мазкур ҳолат юзасидан Жиноят кодексининг 167-моддаси 3-қисми "а" ва "д" бандлари (Жуда кўп микдорда, мансаб мавқеини суиистеъмол қилиш йўли билан ўзлаштириш ёки ўзлаштириш йўли билан талон-торож қилиш) билан жиноят иши қўзғатилиб, ҳозирда тергов ҳаракатлари олиб борилмоқда.
Аввалроқ Ўзбекистонда 8 миллион долларлик киберфирибгарлик фош этилганди.
Изоҳлар мавжуд емас