Ўзбекистон, Тошкент - Batafsil.uz. 16 апрель куни кечаси Тошкент вилояти Ўртачирчиқ тумани "Ўрта Овул" маҳалласида жойлашган хусусий уйда портлаш содир бўлиб, ундан кейин ёнғин чиққан. Оқибатда бир эркак ва уч нафар бола ҳалок бўлган.
Бу маълумотни Batafsil.uz мухбирига Бош прокуратура тасдиқлади.
Дастлабки маълумотларга кўра, ҳодиса вақтида уйда беш нафар киши бўлган. Марҳум эркак (1996 йилда туғилган) ўз рафиқаси ва онасини уйдан чиқиб кетишга ёрдам берган. Шундан сўнг у ёнғин ичида қолган болаларни қутқариш учун яна уйга қайтган, аммо улар бинодан чиқа олмаган.
Ёнғин оқибатида эркак ва унинг уч нафар вояга етмаган фарзанди ҳалок бўлган. Икки аёл шифохонага ётқизилган, шифокорлар уларнинг ҳолатини оғир деб баҳоламоқда.
Ҳодиса жойида тегишли хизматлар мутахассислари ва криминалист-экспертлар иш олиб бормоқда. Портлаш сабаблари ва ёнғин манбаи ҳозирча аниқланмоқда. Одамлар ўлими юзасидан ҳуқуқни муҳофаза қилувчи органлар томонидан дастлабки текширув ўтказилмоқда, зарур экспертизалар тайинланган.
Эслатиб ўтамиз, Қўқондаги кўп қаватли уйда содир бўлган портлаш оқибатида ҳам ҳалок бўлган фуқаро аниқланганди.
Изоҳлар мавжуд емас