Ўзбекистон, Тошкент - Batafsil.uz. Тошкентнинг Яшнобод туманида уюшган жиноий гуруҳнинг собиқ аъзосидан кокаин топилган. ИИВ маълумотларига кўра, эркак муқаддам судланган ва жиноий муҳитда машҳур бўлган “Жора Тошкентский” лақабли шахснинг шериги бўлган.
Махсус операция ИИВ Тезкор қидирув департаменти, унинг ҳудудий бўлинмалари ва Тошкент шаҳар прокуратураси ходимлари томонидан ўтказилди.
Квартирани кўздан кечириш вақтида меҳмонхонадан скотч билан ўралган бир нечта қоғоз ўрамлари топилди. Экспертиза шуни кўрсатдики, унинг ичида кукун ҳолидаги наркотик модда — кокаин бўлган. Ашё олиб қўйилди ва ашёвий далил сифатида расмийлаштирилди.
Ҳуқуқ-тартибот идоралари маълумотларига кўра, гумонланувчи Фарғона вилоятидан. Илгари у бир қатор жиноий моддалар бўйича судланган ва жиноий гуруҳларнинг аъзоси бўлган.
Унга нисбатан гиёҳванд моддаларнинг ноқонуний савдоси бўйича жиноят иши қўзғатилган.
Аввалроқ Тошкентда ҳуқуқ-тартибот идоралари ходимлари 36 ёшли аёлни жиноят устида қўлга олишган эди. Унинг ёнида мефедрон ва МДМА солинган 146 та ўрам бўлган. Шу билан бирга, синтетик моддаларнинг асосий омборида 1,127 килограмм мефедрон, 700 грамм альфа-ПВП, 427 грамм МДМА, 200 грамм кокаин, 100 грамм гашиш ва қадоқлаш материаллари аниқланган.
Изоҳлар мавжуд емас