Ўзбекистон, Тошкент - Batafsil.uz. Португалия терма жамоаси сардори Криштиану Роналду жамоа бош мураббийи ва федерация раҳбарияти билан юзага келган келишмовчилик ортидан миллий жамоа қароргоҳини тарк этди.
Бу ҳақда футболчи ўзининг Instagram саҳифасида маълум қилди.
Вазият Португалиянинг Норвегия устидан қозонилган 2:1 ҳисобидаги ғалабасидан сўнг кескинлашган. Роналду мазкур баҳсни тўлиқ захирада ўтказган ва ўйиндан сўнг кетма-кет уч кун умумий гуруҳ машғулотларида қатнашмаган. Шу сабабли терма жамоа сардори Данияга қарши кечадиган бўлажак ўйинда майдонга тушмайдиган бўлган.
Роналду терма жамоадаги фаолиятини тўлиқ якунлаганини эълон қилмаган ва ушбу қарорга келишига сабаб бўлган ҳақиқатни кейинроқ очиқлашга ваъда берган.
Ҳозирда Португалия терма жамоаси Миллатлар лигасининг А4 гуруҳида 6 очко билан пешқадамлик қилмоқда.
Олдинроқ Лионель Месси ва Криштиану Роналду фаолиятида илк бор бир жамоа шарафини ҳимоя қилишга розилик берганди.
Изоҳлар мавжуд емас