Ўзбекистон, Тошкент - Batafsil.uz. Ўзбекистонда ишдан бўшатилган айрим тоифадаги ходимларга, агар улар уч ой ичида муносиб иш топмаса, муддатидан олдин ёшга доир пенсия тайинланиши мумкин бўлади. Ҳуқуқ 58 ёшдан 60 ёшгача бўлган, камида 25 йиллик иш стажига эга эркаклар ва 53 ёшдан 55 ёшгача бўлган, камида 20 йиллик иш стажига эга аёллар учун назарда тутилган.
Тартиб Вазирлар Маҳкамасининг 2026 йил 28 сентябрдаги қарори билан тасдиқланган.
Муддатидан олдин пенсияни расмийлаштириш учун Ягона интерактив давлат хизматлари портали орқали ариза топшириш лозим. Унга меҳнат шартномасини бекор қилиш тўғрисидаги буйруқнинг нусхаси илова қилинади. Агар иш стажи ҳали тўлиқ рақамлаштирилмаган бўлса, меҳнат дафтарчасининг нусхаси ҳам талаб қилинади.
Маҳаллий бандлик органи икки иш куни ичида ҳужжатларни текширади ва аризачини иш қидираётган шахс сифатида рўйхатдан ўтказади. Шундан сўнг уч ой давомида унга мос иш танланади. Агар бу вақт ичида ишга жойлашишнинг имкони бўлмаса, шахс ишсиз деб топилади ва муддатидан олдин пенсия тайинлаш учун ҳужжатлар Пенсия жамғармасига юборилади. Қайд этилишича, ушбу давлат хизмати бепул кўрсатилади.
Пенсия тайинлангандан сўнг, ишсизлик нафақасини тўлаш кейинги ойдан бошлаб тўхтатилади.
Изоҳлар мавжуд емас