Ўзбекистон, Тошкент - Batafsil.uz. Россиянинг Уфа шаҳридаги Белая дарёсида Ўзбекистон фуқароси чўкиб ҳалок бўлди. Маълум қилинишича, эркак жазирама иссиқ туфайли «Каменная Переправа» кўприги остидаги чўмилиш тақиқланган ҳудудга тушган. Кучли оқим уни олиб кетган ва у сувдан чиқолмаган.
Уфа шаҳар фуқаро муҳофазаси бошқармаси маълумотига кўра, ҳодиса жойига етиб келган қутқарувчилар эркакнинг жасадини сувдан олиб чиққан.
Бошқарма маълум қилишича, 22–28 июль кунлари оралиғида сувдан 87 нафар, жумладан, 33 нафар бола қутқариб қолинган. Бу кўрсаткич 2025 йил давомида қутқарилганлар умумий сонидан қарийб уч баравар кўп.
Мутахассислар аҳолини фақат рухсат этилган жойларда чўмилишга ҳамда кучли оқимли сув ҳавзаларига тушмасликка чақирмоқда.
Олдинроқ Наманган вилоятида Сирдарё дарёсида бир фуқаро чўкиб кетган эди.
Изоҳлар мавжуд емас