Ўзбекистон, Тошкент - Batafsil.uz. Ўзбекистон фуқароси Россияда гиёҳванд моддаларнинг ўта йирик партиясини сотишга урингани учун 8 йилга озодликдан маҳрум этилди. Саранск пролетар туман суди 29 ёшли қизни икки ватандоши билан биргаликда жиноий фаолиятни ташкил этишда айбдор деб топди.
Мордовия прокуратурасининг маълум қилишича, айбланувчилар гуруҳи Санкт-Петербург ва Саранскда бешта "закладка"ни амалга ошириб, гиёҳванд моддаларни тарқатиш тармоғини яратган. 2025 йил 14 февралда учаласи ҳам квартира ижарага олган Веселовский кўчасидаги уй ёнида қўлга олинган. Тинтув вақтида 914,2 грамм тақиқланган моддалар олинган.
Маҳкума Ўзбекистон фуқароси экани ҳақида маҳаллий InfoRM ахборот агентлиги хабар топган. Унинг маълумотларига кўра, унинг шерикларининг ишлари алоҳида кўриб чиқилмоқда.
Аввалроқ Ўзбекистон фуқароси Сургутда уюшган жиноий гуруҳ таркибида гиёҳванд моддалар тарқатгани учун 14,5 йилга озодликдан маҳрум этилгани хабар қилинганди. Гурухнинг барча аъзолари Ўзбекистондан бўлиб, тажрибали схема бўйича ҳаракат қилган. Судланувчи жиноий фаолиятнинг 10 эпизодини содир этганликда айбдор деб топилди.
Изоҳлар мавжуд емас