Жанжалли воқеа. “Ўзсувтаъминот” ҳокимнинг сув қувурларини ўтказишдаги талон-тарожлик ҳақидаги сўзларини инкор қилди

Ўзбекистон, Тошкент – Batafsil.uz. “Ўзсувтаъминот” компанияси Сирдарё вилояти ҳокими Ғофур Мирзаевнинг сув қувурини ўтказиш вақтида маблағ ўзлаштирилгани ҳақидаги сўзларини рад этди. Назаримизда, бу воқеада ким ҳақ экани ҳамда одамлар нима учун сифатли сувсиз қолганини ҳеч қачон билиб бўлмайди. Бу ҳақда мухбиримиз хабар бермоқда.

Ҳаммаси Ғафур Мирзаевнинг Осиё тараққиёт банкидан Ховос вилоятининг 126 минг аҳолисини сув билан таъминлаш учун ажратилган 7 миллион доллардан ортиқ кредит маблағлари ўзлаштирилганини айтганидан бошланди. Унинг сўзларига кўра, пудратчи Озарбайжондан вилоятнинг шўрланган тупроғига мос келмайдиган, сифатсиз шиша пластикли қувурлар олиб келиб ўрнатган.

“Ўзсувтаъминот”нинг маълум қилишича, ушбу лойиҳага Туркиянинг “Alke Insaat Sanayi ve Ticaret компанияси жалб қилинган бўлиб, у пулни талон-тарож қилмаган, аксинча лойиҳа бўйича барча ишларни амалга оширган.

Лойиҳани амалга оширишда Осиё тараққиёт банки эмас, Жаҳон банки иштирок этган. Уни амалга ошириш учун жами 7,3 миллион доллар ажратилган бўлиб, шундан 6,2 миллион доллари Жаҳон банки, 1 миллион доллардан ортиғи эса Ўзбекистон давлат бюджети ҳисобидан ажратилган.

“Сергели” гидроузелидан Ховос туманининг Оқчанғал қишлоғигача бўлган 28 км масофага пудратчи ва субпудратчи томонидан диаметри 700 мм бўлган шиша пластикли қувурлар ётқизилган. Қурилиш-монтаж ишлари 2019 йилнинг июн ойида якунланган. Бироқ қувурларнинг сув босимига бардош бермаганлиги сабабли, сувнинг сизиб чиқиш ҳолатлари учраган. Бу эса ўз навбатида, аҳолини ичимлик суви билан узлуксиз таъминлаш имконини бермаяпти”, — дея қўшимча қилди компания.

Айни пайтда шиша пластикли қувурларни полиэтиленлигига алмаштириш масаласи кўриб чиқилмоқда.

Ўзимиз томонидан бир нарсага эътибор қаратмоқчи эдик. Бу жуда кўп саволлар туғдирадиган қизиқ воқеага айланмоқда. Уларни сотиб олиш ва ўрнатиш учун 7 миллион доллар сарфлаганда, нега ҳеч ким бу қувурлар минтақага мос келмаслигини ўйламади? Мамлакат аҳолиси тўлашга мажбур бўлган кредит ресурсларининг беҳуда сарфланишига энди ким жавоб беради? Бу ерда коррупцион ҳолат борлиги кундек равшан ва ишни прокуратура текшириши керак.

Ўзбекистон бўйлаб янгиликлар: Telegram-каналга уланинг