Ўзбекистон, Тошкент - Batafsil.uz. Самарқанд вилоятида оилавий келишмовчилик оқибатида 33 ёшли хонанда Зебойижахон (асл исми Зебинисо Носирова) ўлдириб кетилди. Бош прокуратуранинг Batafsil.uz мухбирига маълум қилишича, қотилликда гумонланиб унинг турмуш ўртоғи қўлга олинган.
Воқеа 26 июль куни соат 14:30 ларда Тойлоқ тумани "Чарағбон" маҳалласидаги 78-уйда содир бўлган. Тергов маълумотларига кўра, эркак болалар билан кўришиш учун унинг олдига келган, бироқ улар ўртасида жанжал келиб чиққан. Жанжал пайтида у қўллари билан аёлнинг бўйнини сиқиб, буғган. Натижада аёл воқеа жойида вафот этган.
"Қасддан одам ўлдириш" моддаси бўйича жиноят иши қўзғатилди. Тергов ҳаракатлари давом этмоқда.
"Синглим бундай ўлимга лойиқ эмасди. Ўша куни ишда эдим, тез ёрдам фельдшериман. Кундуз соат тўртларда хотиним қўнғироқ қилиб, синглимга нимадир бўлганини айтди. Мен дарҳол онамга қўнғироқ қилдим ва у: "Тезда етиб кел, уни ўлдиришди", деди. Уч ўғилнинг онаси бўлган турмуш ўртоғига қандай қилиб бундай йўл тутиш мумкин?", - деди марҳуманинг акаси ва судни максимал даражада қаттиқ жазо тайинлашга чақирди.
Зебойижаҳон халқ қўшиқлари ижрочиси сифатида танилган. Унинг учта ёш боласи қолган.
Изоҳлар мавжуд емас