Ўзбекистон, Тошкент - Batafsil.uz. Футбол бўйича Ўзбекистон миллий терма жамоаси бош мураббийи Фабио Каннаваро жаҳон чемпионатидаги иштирок якунланганидан сўнг жамоа билан бирга Тошкентга учиб келмайди. Итальян мутахассиси АҚШдан тўғри ўз ватанига йўл олади.
Мураббийнинг таъкидлашича, икки ойлик тиғиз иш графигидан сўнг бутун жамоага кичик таътил зарур.
"Биз жамоа билан икки ой давомида бирга бўлдик, айни пайтда барчамизга озгина ҳордиқ керак. Мен Нью-Йоркдан тўғри Италияга учиб кетаман, насиб қилса, сентябрь ойида кўришамиз", — деган Ўзбекистон миллий терма жамоаси бош мураббийи.
Эслатиб ўтамиз, Ўзбекистон миллий терма жамоаси ўз тарихида илк бор жаҳон чемпионати финал босқичида иштирок этди. Вакилларимиз гуруҳ босқичида Колумбия, Португалия ва ДР Конго терма жамоаларига имкониятни бой бериб, мусобақадаги юришини якунлади.
Миллий тикланиш демократик партияси раҳбари Алишер Қодиров Ўзбекистон миллий терма жамоасининг Жаҳон чемпионати гуруҳ босқичида Конго Демократик Республикасига имкониятни бой берганидан сўнг кескин баёнот билан чиққанди. Сиёсатчи мағлубиятли ўйиндан кейин футболнинг алоҳида жиҳатларини муҳокама қилиш мазмунсиз эканини таъкидлаб, кўплаб кўрсаткичларга "ноль" баҳо берган эди.
Изоҳлар мавжуд емас