Ўзбекистон, Тошкент - Batafsil.uz. Футбол бўйича Испания терма жамоаси Франция устидан ишончли ғалаба қозониб, 2026 йилги Жаҳон чемпионатининг илк финалчисига айланди. "Қизил фурия" ўз тарихида зафарли кечган 2010 йилги мундиалдан сўнг биринчи марта бош футбол соврини учун курашиш ҳуқуқини қўлга киритди.
Учрашув тақдирини испанлар томонидан киритилган иккита гол ҳал қилди. Ўйиннинг 22-дақиқасида Люка Динь жарима майдончаси ичида Ламин Ямалга нисбатан қўполлик ишлатгани учун белгиланган пенальтини Микель Оярсабаль аниқ амалга ошириб, ҳисобни очди. Бу ҳужумчининг жорий турнирдаги бешинчи голи бўлди. Иккинчи бўлимда эса Испания устунликни янада мустаҳкамлади: 58-дақиқада Педро Порро Дани Ольмо узатган тўпни рақиб дарвозасига жойлаб, якуний ҳисобни (2:0) ўрнатди.
Дидье Дешам бошчилигидаги Франция терма жамоаси мазкур ЖЧда илк бор ўз дарвозасидан биринчи бўлиб тўп олиб чиқди ва қолган вақт ичида вазиятни ўнглай олмади. Испанлар мудофаа чизиғи рақиб юлдузи Килиан Мбаппе ва бошқа ҳужумчиларни тўлиқ зарарсизлантиришга муваффақ бўлди. Натижада французлар 2018 ва 2022 йилги муваффақиятли турнирлардан сўнг кетма-кет учинчи бор финалга чиқиш имкониятини қўлдан бой беришди.
Испания терма жамоаси ўз тарихидаги иккинчи финал учрашувида Аргентина ва Англия тўқнашуви ғолиби билан кубок учун баҳс олиб боради. Франция эса ушбу жуфтликда мағлуб бўлган жамоа билан учинчи ўрин учун майдонга тушади.
Изоҳлар мавжуд емас