Ўзбекистон, Тошкент - Batafsil.uz. Англиянинг "Манчестер Сити" клуби 21 ёшли марказий ҳимоячи Абдуқодир Ҳусановни янги мавсум учун жамоада олиб қолмоқчи. Ўзбекистонлик футболчи сўнгги бор жорий йилнинг март ойида майдонга тушган эди.
Спорт журналисти Симон Байковскининг "Евро футбол" порталига маълум қилишича, клуб раҳбарияти ёш ҳимоячида истиқболни кўрмоқда ва ҳамкорликни давом эттиришни режалаштирмоқда. Ҳусановнинг инглизлар билан амалдаги келишуви 2029 йилнинг ёзига қадар тузилган
Ўзбекистон терма жамоасининг ёш футболчиси шу йилнинг январь ойида Франциянинг "Ланс" клубидан "шаҳарликлар" сафига келиб қўшилган ва ҳозиргача ўнта ўйинда ўзини кўрсатиб, битта гол уришга муваффақ бўлганди.
Аввалроқ, Ҳусанов сўнгги вақтларда асосий таркибга кира олмаётгани ва клуб раҳбарияти футболчини вақтинча ижарага олиш имкониятини кўриб чиқаётгани ҳақида хабар берилганди. Бу футболчига бошқа клубда мунтазам ўйин амалиётига эга бўлиш имконини беради, шу билан бирга "Манчестер Сити"га асосий ўйинчи сифатида "қўшиб қўйилган."
Ўтган ҳафтада Москванинг ЦСКА клуби ярим ҳимоячиси Аббосбек Файзуллаев Туркиянинг "Истанбул Башакшеҳир" клубига расман ўтгани маълум бўлганди. Трансфер қиймати 7,5 миллион еврони ташкил этди - бу 21 ёшли Ўзбекистон миллий жамоаси яримҳимоячиси фаолиятидаги энг йирик келишувдир.
Изоҳлар мавжуд емас