Ўзбекистон, Тошкент - Batafsil.uz. Швеция терма жамоаси футбол бўйича 2026 йилги жаҳон чемпионатидаги илк учрашувида Тунис устидан йирик ҳисобда ғалаба қозонди. Мексикадаги «Монтеррей» стадионида бўлиб ўтган «F» гуруҳи баҳси шведларнинг 5:1 ҳисобидаги устунлиги билан якунланди.
Учрашувнинг 7-дақиқасидаёқ Ясин Аяри шведларни ҳисобда олдинга олиб чиққан бўлса, 30-дақиқада Александр Исак орадаги фарқни оширди. Биринчи бўлим якунланиши арафасида Тунис терма жамоаси аъзоси Омар Рекик гол уриб, фарқни қисқартиришга эришди, бироқ иккинчи бўлимда швецияликлар ўйин назоратини бутунлай ўз қўлларига олишди. Виктор Дьёкереш ва Маттиас Сванберг рақиб дарвозасини ишғол этган бўлса, ҳакам томонидан қўшиб берилган вақтда Аяри дублни расмийлаштириб, якуний нуқтани қўйди.
Ушбу ғалабадан сўнг 3 очкони қўлга киритган Швеция терма жамоаси «F» гуруҳида пешқадамликни ўз қўлига олди. Эслатиб ўтамиз, ушбу гуруҳнинг бошқа бир учрашувида Япония терма жамоаси Даити Камаданинг 89-дақиқада урган голи эвазига Нидерландия билан дуранг (1:1) ўйнаб, турнирдаги илк очкосини қўлга киритган эди.
Изоҳлар мавжуд емас